Тапсырысты рәсімдеу (ЭГЗ)
Тапсырыс беру үшін тауар плиткасында немесе карточкасында «Рәсімдеу» батырмасын басу керек.
Сондай-ақ, тауарлар себетінде «Тапсырыс беру» батырмасын басу арқылы тапсырыс жасауға болады.
Тапсырыс жасау үшін 1 жоспар тармағына 1-ден 5 тауарға дейін таңдалуы қажет. Мұндай тапсырысты жасау үшін каталогтың 3 деңгейіндегі санатынан тауарларды таңдау қажет.
Назар аударыңыз! Ұлттық алып қою мәртебесі бар жоспар тармағы бойынша тапсырыс сәтті рәсімделуі үшін кем дегенде екі тауар карточкасын таңдау ұсынылады. Осыдан кейін тапсырыс үшін таңдалған тауарлардың ішіндегі ең төменгі бағасы бар өнім берушіге тапсырыс жіберіледі.
Біріккен тапсырыс — тауарлар санаты бойынша шектеусіз бірнеше тауарды таңдауға болатын тапсырыс түрі. Мұндай тапсырыс түрі үшін әр тауарға жеке жоспар тармағын таңдау қажет. Барлық тауарларда бірдей 2 жеткізуші болуы тиіс, олар тапсырыс берушінің жоспарланған бірлік бағасын мен жоспар тармағының бардық соммасынан бағасын асырмауы керек.
Тауар плиткасынан немесе карточкасынан тапсырыс жасауға өтініш бергенде, «Тапсырыс беру» батырмасын басу арқылы тауар себетінде автоматты түрде «Әдеттегі тапсырыс» түрі таңдалады.
Егер бірнеше тауарды таңдауды қамтитын әрекет блогында «Тапсырыс беру» батырмасын бассаңыз, тапсырыс түрін таңдау мүмкіндігі бар.
Тауарды таңдап рәсімдеу барысында таңдалған тауарлардың ҚҚС мөлшерлемесінің бірдей болуы тексеріледі.
Әдеттегі тапсырыс түрін таңдағанда, тауарлардың бір каталог категориясынан болуы тексеріледі.
Тапсырыс жасау бетінде, тапсырыс түрі «Әдеттегі тапсырыс» болған дағдайда, себеттен тауар қосу мүмкіндігі бар.Ол үшін «Тауар қосу» батырмасын басу қажет.
«Тауар қосу» батырмасын басқанда, тауар қосу үшін көмекші терезе ашылады.Ашылған терезеде себеттегі жоспарға сәйкес келетін каталогтың 3 деңгейіндегі тауарлар тізімі көрсетіледі.
Тауарды іздеу батырмасы арқылы жоспарға сәйкес келетін тауарды іздеу бөліміне көше аласыз.Және қажет тауарды себетке қосып, тапсырыс рәсімдеу үшін қолдана аласыз.
Жоспар тармағын таңдау үшін сәйкес блоктағы «Таңдау» батырмасын басу керек.
Жоспар тармағын таңдау терезесі жұмыс кабинетінде «Рәсімдеуді күтуде» қойындысында орналасқан және тауарды рәсімдеу үшін қосылған ЕНС ТРУ коды бойынша сәйкес келетін жоспар тармақтарын таңдауға мүмкіндік береді.
Егер тапсырыс «Ұлттық алып қою» тізіміндегі «Бастапқы сатып алу» белгісі бар жоспар тармағына сәйкес болса, бірақ тапсырыс бетінде отандық тауар өндірушісі жоқ тауар болса, жоспар тармағын таңдаған терезеде келесі хабарлама көрсетіледі: «ЕНСТРУ ұлттық алып қою тізімінен бастапқы сатып алу белгісі бар ПП таңдалса, тек отандық өндіріс (ОТП) тауарларына әдеттегі тапсырыс жасауға болады».
Жоспар тармағы таңдалғаннан кейін «Келесі қадамға өту» батырмасы белсендіріледі.
Біріккен тапсырыс түрімен тапсырыс жасағанда, себеттен тауарларды әр түрлі категориялардан таңдау мүмкіндігі бар.
Тапсырыс жасау бетінде әр тауар үшін өз жоспарының тармағын таңдау мүмкіндігі бар.
Біріккен тапсырысты жасау кезінде ұлттық алып қою тізіміндегі ЕНСТРУ бар жоспар тармақтары таңдалмайды.
Тауарлар мен жоспар тармақтары бойынша тексеру сәтті өтсе, тапсырыс жасаудың 3-қадамы белсендіріледі,
3қадамнан соң «Егер 2 немесе одан да көп сәйкес бағалар болмайтын болса, алдын ала тапсырыс жасау» чекбоксы және «Тапсырыс беру» батырмасы болады.
Бірнеше жоспар тармағы бойынша тапсырыста 3-қадам «Жеткізу орны» бөлімінде әр жоспар тармағы бойынша барлық жеткізу орындары үшін жеткізу мекен-жайын
Және жүк алушының байланыс мәліметтерін толтыру қажет.
Егер алушының ұялы телефонының нөмірі болса, оны СМС арқылы алынған кодпен растау қажет. «Растау» батырмасын басқанда кодты жіберу үшін көмекші терезе ашылады.
«Кодты жіберу» батырмасын басқанда, көрсетілген нөмірге растау коды жіберіледі және кодты енгізу үшін өріс пайда болады.
Егер СМС кодын жіберу мүмкін емес болған жағдайда немесе алушының ұялы телефоны болмаса «Қалалық телефон нөмірін енгізу» тумблерін қосу қажет.
Қажет болған жағдайда осымша байланыс деректерін енгізуге болады, бірақ тек екі қосымша байланыс дерегі қос аласыз.
Егерде тапсырыс рәсімделгеннен соң екі және одан көп жеткізушіден баға ұсынысы болмаған жағдайда, алдын ала тапсырыс жасау үшін «Егер 2 немесе одан да көп сәйкес бағалар болмайтын болса, алдын ала тапсырыс жасау» чекбоксын белгілеу қажет.
Барлық міндетті өрістер толтырылғаннан кейін тапсырыс жасау үшін «Тапсырыс беру» батырмасын басу керек.
«Тапсырысты рәсімдеу» батырмасын басқаннан кейін тапсырысты растау үшін көмекші терезе ашылады, онда жоспар тармағы, тауарлар және жеткізу орны туралы негізгі ақпарат көрсетіледі. Және тапсырыс түрі : біріккен немесе әдеттегі тапсырыс деп жазылады.
Тапсырыс жасауды растау үшін «ЭЦП арқылы растау» батырмасын басып, ұйым қызметкерінің ЭЦП-ін таңдап қол қою қажет
Тапсырыс сәтті рәсімделгеннен кейін тапсырыс берушінің жұмыс кабинетіне тапсырыс «Жаңа тапсырыстар» қойындысында «Баға ұсыныстарын жинау» күйінде көрсетіледі.
Егер тапсырыс түрін әдеттегі тапсырыстан біріккен тапсырысқа ауыстырсаңыз, тапсырыс жасау бетінде:
Әдеттегі тапсырыс түрінен біріктірілген тапсырысқа ауысқанда барлық таңдалған жоспар тармақтары мен тауарлар тазартылып, тапсырыс жасау бетінен жойылады деген хабарлама шығады. Тапсырыс түрін ауыстыруды қалайсыз ба? - хабарламасы көрсетіледі.
Растау кезінде таңдалған жоспар тармағы жойылып, тауарлар әрбір тауар үшін жеке жоспар тармағын таңдау үшін бөлінеді.
Тапсырыс түрін біріктірілген тапсырыстан әдеттегі тапсырысқа ауыстырғанда барлық таңдалған жоспар тармақтары мен тауарлар тазартылып, тапсырыс жасау бетінен жойылады деген хабарлама шығады.
Растау кезінде таңдалған жоспар тармақтары жойылып, барлық тауарлар тапсырысты рәсімдеу бөлімінен жойылады.
Бұл жағдайда тауар қосу терезесін басып себеттегі тауарларды рәсімдеу бөліміне қосуға, және бір категориядағы себеттегі тауарларды таңдап әдеттегі тапсырысты рәсімдеуге болады.